सन २००४ को फेब्रुअरी ४ मा सुरुवात गरेको फेसबुकको यात्रा आज १५ औ वर्षमा टेकेको छ। एन्ड्रयु म्याककोलम, एडुवार्डो साभरिन, क्राइस ह्युग्स र डस्टिन मोस्कोभिज सँग मिलेर मार्क जुकरवर्गले सुरु गरेका हुन्। विश्वमा सबै भन्दा हेरिने फेसबुक तेस्रो नम्बरमा रहेको एलेक्साको वेबसाइटले देखाउछ भने यसको सकृय प्रयोगकर्ताहरु हाल सम्ममा २ अर्ब २० करोडभन्दा बढि रहेको छ। एलेक्साको सुचीमा तेस्रोमा फेसबुक छ भने पहिलोमा गुगल र दोस्रोमा युट्युब रहेको छ।
फेसबुकले समय सापेक्ष अनुसार नयाँ नयाँ फिचर्सहरु थपने र उपयोग नभएकोलाइ हटाउदै आएको कारण अहिले सम्म सफल सोसियल मिडियाको स्थान लिएको छ। कहिले काही फेसबुकको प्राइभेसी र तथ्यांक चोरी हुने कुराहरु जस्ताले फेसबुक विवादमा पनि आउदै गरेको छ भने फेसबुकले गलत समाचार प्रकाशित गर्ने र फेक एकाउण्टलाइ नियन्त्रणमा लिन नसक्दा पनि विरोध हुने गरेको छ।
