नेपालको चर्चित सांगीतिक समूह ‘मंगोलियन हर्ट’ का गायक राजु लामाको नयाँ गीत ‘सैलुङ पोङ्दी’ को म्युजिक भिडियो सार्वजनिक भएको छ। हस्त लामा ‘हार्दिक’ को शब्द र बिशाल कल्तनको संगीत रहेको गीतको म्युजिकमा राजु लामा आफैले अभिनय गरेका छन् ।
त्यस्तै उनलाई मीना तामाङले साथ दिएकी छिन । छेवाङ लामाको निर्देशनमा बनेको ‘सैलुङ पोङ्दी’को म्युजिक भिडियोमा दाजु भाई कम्पनीको छायाँकन र बिजेश पौडेलको सम्पादन रहेको छ ।
भिडियोलाई कर्मा धुन्डुप योन्जनले निर्माण गरेका हुन् । ‘मंगोलियन हर्ट’ अहिले आफ्नो २५ बर्षको रजत जयन्ती मनाउन स्वदेश तथा बिदेशमा आफ्नो प्रस्तुतिमा ब्यस्त रहेको र रजत जयन्तीको अवसरमा २५ ठाउँमा गरिने सांगीतिक कन्सर्ट मध्य अहिलेसम्म १२ वटा सकिसकेको र बाँकी १३ वटा प्रस्तुतिहरु छिट्टैनै तय गरिने मेनेजर बबी लामाले जानकारी दिए ।
